le' are ganeka bula dher-bendher cethak neko lakar agubeng ta' atemmo tabun otaba tangga' pangaoban rengsana aba'. salaggi' ta atemmo maksod dhalemma sagara se ampon esoson sajjegga ataretan tamone neng kang-pekangnga jalan careta.
yang-seyang tanggal lebat pornama e bulan sabellunna powasa, mapak atemmo sowara anyar e koladda badan se ampon aomor dhimma poncana.
ban:
e ban-sabban tendak se ebitong sato'or lanjangnga, badha nyama-nyama se nebbas tatengkana aba' se pon abak nyongsang robana. ale'-kelle' ka ale' dhalem pancoran tatenggar tongar-tongar, ngendhep pas nyandhakep mar-samar.
sartana;
bathogga cethak neko tatojjek e babana pa'-dapa'na soko se paleng duraka
saterrossa bula karabagan dha'emma arena?
ban aherra coma bakal sabates careta.
Songennep, 20 Agustus 2008
Tidak ada komentar:
Posting Komentar